Ертөнцийн Эзэн биднийг

Хайраараа бүтээсэн болохоор

Бусдыг хайрлан хүндэл

Бие болоод сэтгэлээ ариусга

Өндөр тэнгэртээ залбирч

Өрөөл бусдыг хайрла

Өглөг болоод тусыг

Өгөөмөр сэтгэлээрээ дээдлэ

Буруу зүйлийг мэдсээр байж

Бүү түүнийг үйлд

Бие болоод сэтгэлийг чинь

Бузар сүнс эзлэнэ шүү

Бодол ухаан хоёр оо

Бурханаас ирсэнийг ухаараарай

Ирсэн мөч байхад

Буцах цаг ирнэ шүү

Бурханаас өгсөн амийг

Бузар сүнсээр солих вий таминь ээ

Ариун ариуны дээд

Ачлал төгс хайраар

Өөрийн сүнсийг хайрла

Өрөөлийг хайрлах хайр

Өөрөөсөө эхтэй байдаг юм

Өрнөөс унасан үр чинь

Өнөө л биений чинь тасархай

Өрлөг удмын минь үргэлжлэл

Өөрийгөө хайрлах тэгээд

Үргэлж мөнхийн хэлхээ

Үеийн үед өвлөгдөх

Үр удмын минь ерөөл

Өнө мөнхөд дуудагдах

Өндөр дээдсийн минь буян

Ариун үнэнийг дагаж

Амьдрал юугаа жаргаая

Алдар нэрийг унагах

Аврал үгүй хараалаас

Цэвэрлэж зүрхээ амраая

Цэгц сайхан амьдралаар

Жаргаж хорвоод элээцгээе

Ариун библийн сургаалийг

Авралаа болгон итгэсэн бид

Ариун сүнсний хүч чадлаар

Ахин амилсан сүнстэй

Ертөнцийн Эзэний Хүү

Есүс Христийн хүүхдүүд бид

Бүхнийг бүтээгч Эзэнийг

Бурханаа гэж хүндэлсэн юм

Гэм нүглийн хүлээснээс

Гэмшиж, ухаарч чөлөөлөгдөн

Хайр гэдэгийн ариуныг

Хайж эрэлхийлж олсон

Бурхан биднийг сонгож

Бусдыг дагуулах илч болгосоныг

Библийн судраа дэлгэн байж

Бодол ухаанаа цэнэглэн

Өөрчлөг дсөн зүрх сэтгэлээр

Ахин төрсөн амьтай болгосон

Аврагч Бурхандаа хайртай бид

Бүтээгч Эзэнээ магтан дуулж алдаршуулан бүжсэн

Багачууд залуучуул та нарыг минь

Бүтээсэн Эзэн маань харж байгаа

Баярлан бахархан ерөөж суугаа

Сэнтийд залрагч Бурхан минь

Сүнс сэтгэлийн эмч билээ

Сургааль бүхнээрээ ерөөж

Саруулхан замаараа дагуулсан юм.

Өвдсөн биеийг эдгээх

Эм хэрэгтэй байдгийн адил

Гэмтэй зүрхийг ариусгахаар

Гайхамшигт өөрчлөлтийг хийх

Ариун библийн сургаалийг

Авралаа болгон итгэсэн бид

Ариун сүнсний хүч чадлаар

Ахин амилсан сүнстэй бид

Хүний төрлийг өгсөн

Эзэн Бурхан минь алдаршиг

Хүн төрлөхтнийг тэгээд хайрын Бурхан ивээг.